1 - қисм. AxCrypt дастури.

Кўп холларда компьютердаги баъзи файл ва папкаларга пароль қўйиш эхтиёжи туғилади ва кўпларимиз бунинг учун ўша файл ёки папкани архиватор ёрдамида архивлаштириб сўнг архивга пароль қўйиш билан кифояланади. Лекин бу усул ноқулайликлари бор. Масалан, агар ўша архивланган папкани хажми катта бўлса хар сафар парольни киритигандан сўнг ичидаги файлларни архивдан дискга олиб, ишлаб бўлиб яна архивга солишга анча вақт ва компьютерни ресурслари кетади. Қолаверса, хаммамиз инсонмиз, папкани яна қайта архивлаш ёки унга пароль қўйиш эсдан чиқиб қолиш мумкин. Ушбу мақолада, Windows операцион тизимида файл ва папкаларга пароль қўйиш имконини берувчи икки дастурни кўриб чиқамиз. Булар AXCrypt ҳамда TrueCrypt дастурлари. Иккиси хам GPL лицензияли бепул дастурлар туридан хисобланади. AxCrypt дастури асосан битта ўзи ишлайдиган файлларни яъни, масалан .doc, .txt, .xls каби документ файлларни шифрлаш ва уларга пароль қўйиш учун ишлатилади.

TrueCrypt дастури эса дискдаги бутун бошли папка ёки хатто дискни ўзини хам шифрланган контейнер файлга ўгириб, сўнг у контейнер файлни операцион тизимга алоҳида диск бўлими сифатида улаб ишлатиш имконини беради. Худди .iso ёки .nrg файлларига ўхшаб.

Келинг аввал AxCrypt дастури билан танишиб чиқамиз. Юқорида айтиб ўтилганидек, AxCrypt дастури ёрдамида якка тартибда ишловчи файлларни шифрлаш ва уларга пароль белгилаш мумкин. AxCrypt 

Дастурни компьютерга ўрнатиш бошқа дастурларни ўрнатишдан деярли фарқ қилмайди. Бошида дастур тили танланади, кейин лицензия шартларига розилик берилади, кейин хохласангиз электрон манзилингизни киритиб компания янгиликларидан хабардор бўлиш имкони мавжуд, кейинги қадамда дастурни дискни қаерига ўрнатилиши кўрсатилади (C:\Program Files\Axon Data\AxCrypt), охирги ыадамда Install тугмасини босиб дастурни файлларини компьютерга кўчириш жараёни бошланади. Сўнг, Finish ни босиб жараён тугатилади.

Шунда AxCrypt Windows Explorer га интеграция қилинади. Яъни, мисол учун бирон бир файлга пароль қўймоқчи бўлсангиз, дастурни очиш учун алохида уни ёрлиғини очиб ўтириш шарт эмас. Балки ўша пароль қўйиш керак бўлган файлга сичқончани ўнг тугмасини босиб контекст менюни чақирасиз ва ўша ерда AxCrypt деб номланган бўлимни кўрасиз.

Шу жойда файл билан бир неча хил ишларни бажариш мумкин. Файлни шифрлаб пароль қўйиш учун Encrypt, файлдан нусха олиб уни шифрлаб, пароль қўйиб яна алохида ишлатилувчи .exe дастури холига ўгириш учун Encrypt Copyt to .EXE бўлими, файлни шифрини ва парольни олиб ташлаш учун Decrypt ва файлни дискдан қайта тиклаб бўлмайдиган қилиб ўчириб ташлаш учун эса Shred and Delete бўлими ишлатилади. Бундан ташқари AxCrypt дастурида бирон бир файлни калит-файл қилиб ишлатиш хам мумкин. Яъни, фараз қилайлик сиз махфий хужжатга пароль белгиладингиз, лекин парольни бошқалар хам билиб қолиши мумкин. Махфий файл хавфсизлигини икки бора ошириш учун ўша файлга яна калит файл хам белгилаш мумкин. демак файл билан ишлаш учун сиз аввал пароль киритасиз ундан сўнг эса файлни очиш учун яна калит файлни қаердалигини хам кўрсатасиз. Калит файлни эса хар доим флешкангизда олиб юрасиз вассалом.

Демак, файлни шифрлаш учун унга ўнг тугма босилади, у ердан AxCrypt бўлими очилиб, Encrypt босилади.

Очилган ойнада керакли пароль ва уни тасдиқлаш киритилади. Керак бўлса файлга бошқа калит-файл белгилаш учун Key-File деган жойдан ўша калит-файл кўрсатиб юборилади. Сўнг ОК босилади.

Шунда файл шифрланиб ва паролланиб қўйилади ва уни расмчасини ўзгаргарини ва файл "расширения"си .axx га ўзгартирилганлигини гувохи бўласиз.

Шифрланган файлни очмоқчи бўлсангиз у сиздан пароль киритишни талаб этади. Пароль тўғри киритилса файлингиз очилади ва у билан бемалол ишлашингиз мумкин. Ишни бажариб бўлиб файлни ёпишингиз билан у яна автоматик тарзда қайта шифрланиб ва паролланиб қолади.

Хохлаган вақтда файлдан парольни олиб ташлаб яна оддий файл холига қайтаришингиз мумкин. Бунинг учун AxCrypt контекс менюсидан Decrypt бўлими танланади.

Албатта яна пароль киритилади, у тўғри киритилган холда файлдан пароль олиб ташланиб файл яна аввалги шифрланмаган холига қайтади.

Хавфсизлик томонидан AxCrypt 128-битлик калитни, AES протоколини ишлатилади. Бу, хозирги кунда анчагина хавфсиз хисобланади. Windows 2000/2003/XP/Vista/2008/Win7Операцион Тизимларида ишлайди.

Энди фараз қилайлик, бизда Хисоботлар папкаси ва у папкани ичида жуда кўп махфий корхона хисобот файллари хамда бирон бир корхонани ички дастурлари мавжуд. Бу папкани архиватор ёрдамида хар сафар пароль қўйиб уни яна архиватордан очиб ўтириш жуда ноқулай ва анча вақт талаб этади. AxCrypt эса асосан якка тартибда ишловчи файлларни шифрлашга қулай, шунинг учун дастурни тўлалигича шифрлаш мушкулроқ бўлади. Албатта папкани тўлалигича Encrypt қилиш ва парольни олиб ташлаш учун хам Decrypt қилиш мумкин, лекин назаримда AxCrypt бунга унчалик тўғри келмайди. Бунинг учун мен сизларга бундан хам кўра қулайроқ бўлган TrueCrypt дастурини таништирмоқчиман. Давоми 2-қисмда.